Դիանա Գորիս

Գորիսի Դիանա Հյուրանոցի հյուրընկալ անձնակազմը ուրախ է ողջունել բոլոր հյուրերին, ովքեր այցելել են Հայաստան և ընտրել մեր հյուրանոցը։ Մենք սիրով կապահովենք ջերմ ընդունելություն և բարձրակարգ սպասարկում ցանկացած ժամանակ ու կդարձնենք Ձեր հանգիստն անմոռանալի։
Դիանա Հյուրանոցը նորակառույց 5 հարկանի շենքն ունի ժամանակակից հետաքրքիր ճարտարապետական լուծումներ։ Ինտերիերի յուրահատուկ դիզայնը ստեղծում է հիանալի միջավայր լիարժեք հանգստի և արդյունավետ աշխատանքի համար։ Նրբաճաշակ ձևավորումը, հանգիստ մթնոլորտը և ժամանակակից հարմարությունները համապատասխանում են ինչպես հանգստացողների, այնպես էլ գործարարների պահանջներին։
Դիանա Հյուրանոցը առաջարկում է 56 հարմարավետ համարներ` ստանդարտից մինչև շքեղ, կահավորված տարբեր ճաշակների համապատասխանող նրբաոճ կահույքով։ Սենյակներից բացվում է հիասքանչ տեսարան դեպի գեղատեսիլ Գորիս։ Յուրաքանչյուր սենյակ ունի լիարժեք կահավորված լողասենյակ, LCD հեռուստացույց` կաբելային կապով, wi-fi անվճար ինտերնետային կապ, գրասեղան, հեռախոս, մինի-բար, սեյֆ, թեյնիկ և բաժակներ։ Ամբողջ շենքում գործում է օդափոխության համակարգ։